„Fortíðin er framandi land (The past is a foreign country).“ Þetta eru upphafsorð skáldsögunnar The Go-Between frá 1953 eftir breska rithöfundinn L.P. Hartley og eru orðin að nokkurs konar málshætti. Því þessi snilldarlega en jafnframt einfalda setning fangar tilfinningar okkar þegar við hugsum um fortíðina.
Hér sjáum við ljósmyndir eftir meistara Magnús Ólafsson en myndir hans hafa margoft birst á Lemúrnum. Síðast sáum við ýmsar mannamyndir eftir hann sem teknar voru í Reykjavík fyrir öld síðan. Og hér sjáum við fleiri myndir frá sama tímabili. Þetta eru myndir frá um 1905-1915. Allflestar frá Reykjavík.
Það er undarlegt að sjá göturnar sem við göngum daglega á þessum myndum. Lækjargötu og miðbæinn. Tjörnina. Höfnina í Reykjavík. Þetta eru staðir sem við þekkjum svo vel. En hér birtast þeir eins og framandi land. Því Ísland fyrir 100 árum var allt annað land en það sem við þekkjum í dag. Þessi veruleiki er mjög framandi fyrir okkur.
Stórmerkilegur myndabanki Magnúsar Ólafssonar er geymdur hjá Ljósmyndasafni Reykjavíkur. Safnið er eitt fjölmargra stofnana í heiminum sem hlaðið hefur inn merkilegum gömlum ljósmyndum hjá Commons-verkefninu hjá vefsíðunni Flickr.
Það er mikilvægt að söfn miðli gersemunum sem þau geyma og Lemúrinn fagnar í hvert skipti sem Ljósmyndasafn Reykjavíkur hleður inn myndum á netið fyrir almenning. Við minnum einnig á annað bráðskemmtilegt verkefni sama safns á netinu, Ljósmynd vikunnar.
Við hvetjum öll söfn og stofnanir landsins sem geyma ljósmyndir sem hafa sögulegt og menningarlegt gildi að gera þær aðgengilegar á stafrænu formi. Landmælingar Íslands er dæmi um opinbera stofnun sem nýlega fór þá leið.
Lækurinn í Reykjavík og Lækjargata 2-14, 1905-1907.
„Hornsteinn að Vífilstaðaheilsuhæli lagður.“
Matthías Þórðarson handavinnukennari og fornminjavörður ásamt nemendum sínum á tröppum Barnaskólans í Reykjavík.
Bátur hlaðinn fólki við bryggju í Steinsvör, 1900-1910.
Gestir í Viðey, 15. júlí 1909.
Fólk á hestbaki árið 1911.
Fólk á skautum á Austurvelli árið 1913.
Austurstræti árið 1910.
„Gufukatli í Ullarverksmiðjuna Iðunni komið á land árið 1905.“
Hafnargerð í Reykjavík, 1913-1917.
„Hans póstur blæs í lúður árið 1909.“
Þekkið þið þessa prúðbúnu menn sem hér sitja í Alþingisgarðinum árið 1913?
Ístaka á Tjörninni um 1909.
Skátar stilla sér upp með fótboltamönnum frá KR og FRAM á Melavelli árið 1913.
Friðrik VIII, konungur Danmerkur og Íslands við Lækjartorg árið 1907.
Lagt upp í ferð með konungi.
Lúðraþeytarafélag Reykjavíkur framan við Barnaskólann við Tjörnina 1902.
Reykjavíkurhöfn árið 1914.
Menn við Gullborinn í Vatnsmýrinni árið 1907.
Pósthússtræti og Austurvöllur um 1910-1912.
Póstvagnar fara fram hjá Gasstöðinni við Hlemm um 1915.
Póstvagnar í Hafnarstræti um 1915.
Reipitog á Austurvelli, sennilega árið 1912.
Í Reykjavíkurhöfn árið 1910.
Séð vestur yfir Kvosina frá Bernhöftstorfu 1905-1907.
Séð vestur yfir Kvosina, 1904.
Smjörhúsið í Hafnarstræti 22 um og eftir 1910.
Steinbryggjan í Reykjavík.
Vesturbakki Tjarnarinnar árið 1908.
Vesturgata 2 á árunum 1910-1915.
Vetrarstemming á Arnarhóli um 1916.
Vígsla Melavallar árið 1911.
Vonarstræti 10 árið 1910.
Yfirlitsmynd yfir Lækjargötu og Bernhöftstorfuna 1904-1905.
