Þegar Bretar frelsuðu útrýmingarbúðir nasista í Bergen-Belsen í Neðra-Saxlandi í Þýskalandi hinn 15. apríl 1945 blasti við þeim skelfileg sjón. Sextíu þúsund fangar fundust á lífi, flestir mjög alvarlega veikir vegna vannæringar.
Þrettán þúsund lík lágu eins og hráviði út um allt. Í búðunum höfðu alls um 50 þúsund manns látið lífið. Þar á meðal voru margir gyðingar og sovéskir stríðsfangar.
Anna Frank lést þarna í mars 1945, aðeins mánuði áður en föngum var bjargað. Gasklefar voru ekki notaðir í Bergen-Belsen, mestu fjöldamorð nasista fóru fram í austurhluta hernámssvæðis þeirra.
Eftir stríðslok var réttað yfir 45 af 480 starfsmönnum Bergen-Belsen í hinum svokölluðu Belsen réttarhöldum. Hér sjáum við myndir af nokkrum þeirra ásamt nöfnum og refsingu.
Frieda Walter: 3 ára fangelsi.
Franz Stöfel: dauðarefsing.
Johanna Bormann: dauðarefsing.
Erich Zoddel: dauðarefsing.
Herta Ehlert: 15 ára fangelsi.
Wilhelm Dörr: dauðarefsing.
Hildegard Lohbauer: 10 ára fangelsi.
Franz Hoessler: dauðarefsing.
Helene Kopper: 15 ára fangelsi.
Josef Kramer: „Skepnan í Belsen“, dauðarefsing.
Ilse Forster: 10 ára fangelsi.
Vladislav Ostrovski: lífstíðarfangelsi.
Irma Grese: Ein nafntogaðasta konan í Helförinni. Fundin sek um skelfilega meðferð á föngum, virtist haldin kvalalosta. Hlaut dauðarefsingu og var hengd 13. desember 1945.
Ansgar Pichen: dauðarefsing.
Anna Hempel: 10 ára fangelsi.
Ignatz Schlomovicz: Sýknaður.
Herta Bothe: 10 ára fangelsi.
Elizabeth Volkenrath: dauðarefsing.
Gertrude Feist: 5 ára fangelsi.
Gertrude Saurer: 10 ára fangelsi.
Hilde Liesewitz: 1 árs fangelsi.
