„Með Waffen-SS og Norsku herdeildinni gegn sameiginlega óvininum …. gegn bolsévisma.“
Harald Damsleth við teikniborðið.
Mynd þessi var gefin út af leppstjórn Vidkun Quislings í Noregi á tímum seinni heimsstyrjaldar. Hún var teiknuð af Harald Damsleth, en hann er best þekktur fyrir áróðursmyndirnar sem hann teiknaði fyrir Nasjonal Samling, nasistaflokk Quislings.
Damsleth var norskur þjóðernissinni, meinilla við bolsévika, og gekk snemma í norska nasistaflokkinn. Tengsl hans við Þýskaland voru töluverð — hann hafði stundað nám þar í landi sem ungur maður og var auk þess giftur þýskri konu. Í stríðinu var hann um tíma blaðamaður á austur-vígstöðvunum, líkt og Björn Sv. Björnsson.
Eftir stríðið var stuðningsmönnum nasista í Noregi gert að sæta harðri refsingu. Quisling, formaður norska nasistaflokksins, var dæmdur til dauða og tekinn af lífi, en Damsleth sat tvö ár í fangelsi.
Í heildina teiknaði Damsleth um 200 áróðursmyndir á stríðsárunum. Nokkrar þeirra sjást hér fyrir neðan. Mikið er gert úr arískum eiginleikum Norðmanna, víkingaarfleifðinni, norrænni frændsemi við Þjóðverja og svo sameiginlega óvininum, illum rauðliðum og bolsévikum í austri.
,,Víglínan gegn bolsévisma. Hvar stendur þú í dag?“ Þarna berjast hermenn Noregs, Finnlands og Þýskalands við stóra rauða skrímslið í austri.
,,Austrvegr“. Við sjáum hermann á austurvígstöðvunum lesa bréf frá konu sinni heima í Noregi.
,,Sameiginleg víglína gegn bolsévisma.“ Þarna sjást fánar Þýskalands, Finnlands, Noregs, Danmerkur, Hollands og Belgíu.
,,Norðmenn – Berjist fyrir Noreg.“
,,Nasista-stríðsmenn til orrustu reiðubúnir.“
Krumla bolsévika rífur krossinn af norska fánanum. ,,Nei!“
,,Á verði við landamæri Norðursins í austri.“
,,Allt fyrir Noreg!“
Tundurdufl blakta fána Bretlands við strendur Noregs: ,,Glæpur Englands“.
Sovéskar flugvélar yfir Noregi, landið í logum: ,,Óskadraumurinn getur orðið að martröð. Og hér sefur þú.“
,,Germanska SS Noregi.“
,,Austvegr, jólin 1942″.
SS-víkingur um borð í víkingaskipi: ,,SS-dagurinn 1943, 14.-15. ágúst í Osló. Germanska SS, Noregi.“
„Með Norðmönnum fyrir Noreg!“
,,Hjálpin frá Englandi.“: Breskur sjóræningjafloti gerir ,,allt fyrir Noreg“.
,,Í gegnum baráttu og vinnu, í áttina að bjartari tímum.“ Fjöll Noregs sjást varla fyrir rauðri móðu Sovét-úlfa.
,,Berstu fyrir öllu sem þér er kært. Gangtu í SS-skíðaherdeildina.“
,,Á vakt við landamæri Norðursins í austri. SS-skíðahersveit Noregs.“
Norrænn garpur beinir sverði og skildi gegn óvinum Noregs: ,,Norræna víglínan gegn óvinum landsins. Rauða víglínan, skelfing, morð, hermdarverk.“
