Hlustið á Lemúrinn á Rás 1! Í tilefni af Airwaves-tónlistarhátíðinni grúskar Lemúrinn í reykfylltum kasettusjoppum á fjarlægum krummaskuðum og spilar ýmsa tóna. Perúsk chicha-tónlist úr Amasónskóginum og pönk, sýrlenski Íslandsvinurinn Ómar Súleiman og leiðarvísir í klósettþjálfun katta eftir djassgoðsögnina Charles Mingus.
Hlustið hér á þáttinn (mp3-skrá hjá hlaðvarpi RÚV).
Umsjónarmenn eru Helgi Hrafn Guðmundsson og Vera Illugadóttir, lesari er Atli Freyr Steinþórsson.
Ómar Súleiman frá Sýrlandi. Hann hefur unnið með Björk og mætir á Airwaves.
Los Destellos, eða Glamparnir, var ein vinsælasta hljómsveit Perú á sjöunda áratugnum.
