Áður óbirtar ljósmyndir úr smiðju einkaljósmyndara Adolfs Hitler komu nýlega í leitirnar. Þær sýna íbúð foringjans í Berlín, sumarhöll hans í Bæjaralandi og skrifstofu hans í höfuðborginni.
Hugo Jaeger var einkaljósmyndari Hitlers á árunum fyrir seinni heimsstyrjöldina. Hann var einn af fáum ljósmyndurum heims á þeim tíma er unnu með litmyndir.
Myndirnar sem við sjáum hér munu hafa verið teknar á árunum 1937-1939, þegar hin hörmulega styrjöld var rétt handan við hornið.
Alls tók Jaeger um tvö þúsund myndir fyrir Hitler. Við stríðslok árið 1945 faldi hann þær í skjalatösku. Þegar bandarískir hermenn leituðu í töskunni fundu þeir koníakflösku og lokuðu töskunni, opnuðu flöskuna og deildu með Jaeger. Þeir sáu því ekki myndirnar.
Hann faldi myndirnar síðar í glerkrukkum sem hann gróf í jörðu. Tímaritið LIFE keypti flestar ljósmyndirnar af Jaeger árið 1965, en nokkrar þessara mynda hafa aldrei sést fyrr en nú.
![Jaeger1](http://lemurinn.is/wp-content/uploads/hitler11.jpg)
Risavaxin skrifstofa Hitlers í Reichskanzlei í Berlín.
![jaeger2](http://lemurinn.is/wp-content/uploads/jaeger2.jpg)
Glæsilegur salur í Berghof, sumarhöll Hitlers í Berchtesgaden í Efra-Bæjaralandi.
![jaeger3](http://lemurinn.is/wp-content/uploads/hitler3.jpg)
Áramótaveisla á kanslaraskrifstofunni í Berlín. Hitler ræðir við prúðbúna gesti. Til hægri má sjá útsendara Vatíkansins.
![jaeger4](http://lemurinn.is/wp-content/uploads/jaeger4.jpg)
Hitler snæðir miðdegisverð ásamt einkalækni sínum, Theodor Morell (til vinstri) og eiginkonu svæðisstjórans Alberts Forster í Berghof.
![jaeger5](http://lemurinn.is/wp-content/uploads/jaeger5.jpg)
Fallegur dagur í Bæjaralandi. Myndin er tekin við Berghof, sumarhöll Hitlers.
![Jaeger6](http://lemurinn.is/wp-content/uploads/hitler6.jpg)
Íbúð Hitlers í Berlín.