Hér færir YouTube-notandinn Rhino Stew sannfærandi rök fyrir fjarstæðukenndri kenningu.
Blóðugi framtíðartryllirinn Snowpiercer frá 2013, eftir suðurkóreska leikstjórann Bong Joon-ho, er framhald af Kalla og sælgætisgerðinni. Að minnsta kosti kvikmyndaútgáfu þessarar sígildu bókar breska rithöfundarins Roald Dahl, Willy Wonka and the Chocolate Factory frá 1972, sem skartaði Gene Wilder í aðalhlutverki.
Reyndar er Snowpiercer líka byggð á bókmenntaverki, frönsku myndasögunni Le Transperceneige frá 1982. Snowpiercer gerist í járnbrautarlest sem brunar um eyðilönd, eftir að misheppnuð efnafræðileg tilraun til að stemma stigu við hlýnun jarðar hefur komið á ísöld. Bong Joon-ho er einn frumlegasti leikstjóri jarðar en hann hlaut Gullpálmann í Cannes 2019 fyrir myndina Sníkjudýr.
Er lestarstjórinn kannski Kalli sjálfur eftir að hafa breytt sælgætisgerðinni í síðasta björgunarbát jarðarbúa? Svo segir Nashyrningskássan.
![](http://lemurinn.is/wp-content/uploads/2019/09/kalli-og-saelgaetisgerdin.jpg)
![](http://lemurinn.is/wp-content/uploads/2019/09/tc3b3mas-lemarquis-04-snowpiercer-joon-ho-bong-123wtf-watch-the-film-saint-pauly.jpg)