„Foringi þýzka ríkisins, Adolf Hitler, sýndi Þingvöllum þann sóma að heiðra hinn helga stað með nærveru sinni í gær, á öðrum degi Íslandsheimsóknar sinnar. Blaðamaður Íslands smellti af þessari mynd í Almannagjá þegar Foringinn skoðaði gjánna í fylgd eins helsta aðstoðarmanns síns, Alberts Speer, og annarra háttsettra herforingja í þýzka hernum.

Foringinn lét í ljós aðdáun sína á náttúru Þingvalla og sagði orðrétt: „Það er merkilegt að standa hér á þessum stað, þar sem hinn norræni kynstofn átti sitt blómaskeið á miðöldum. Nú, þegar Ísland hefur verið frelsað undan heimsvaldastefnu Breta og hins gyðinglega auðvaldssamsæris, mun norræn menning aftur rísa hátt á Þingvöllum.“

Þessi fögru orð Foringjans vöktu einróma þakklæti og aðdáun íslenzkra mektarmanna og annarra, sem fengu að fylgjast með för Foringjans um Þingvelli. Í dag er búist við að Foringinn skoði flugvallarframkvæmdirnar í Reykjavík, þar sem Luftwaffe er að koma sér fyrir til að verja landið fyrir hugsanlegum gagnárásum hinna svikulu brezku hersveita, sem héðan voru hraktar í fyrra mánuði.“

Í HRÆÐILEGUM HEIMI – hvað ef nasistar hefðu hertekið Ísland? Tölvugerð mynd Ólafs Gunnars Guðlaugssonar sem birtist í þriðja tölublaði SKAKKA TURNSINS árið 2008.