„— Hvað ætlið þið að verða, þegar þið eruð orðin stór?
— Ég ætla að verða bóndi, sagði Gústi.
— Hann ætlar að mjólka hrossin, gall í vini hans.
— Og ég ætla að verða bóndakona, flýtti Vala litla með flétturnar sér að segja.
Gústi hafði ekki lokið máli sínu:
— Ég ætla í Verzlunarskólann, sagði hann. Svo ætla ég að verða stúdent, svo ætla ég í háskólann og svo í bændaskóla.
— Ég líka alveg eins, sagði Vala.
— Hvar varst þú í sveit, Ágúst?
— Höskuldsstöðum í Eyjafirði.
— Vill enginn [sic] ykkar stúlknanna verða flugfreyja, spurði blaðamaðurinn.
— Nohoj, heyrðist einhvers staðar.
— Ég mundi verða það, ef ég væri stelpa, sagði Gústi.
Þá flissuðu stelpurnar, strákarnir skellihlógu.“
