Þegar Hollendingur að nafni André Kuipers lagði af stað í ferðalag tók hann með sér myndavél, eins og við gerum flest, og setti svo ferðamyndirnar á netið, eins og nú er orðið alvanalegt.
Einn höfuðmunur er þó á okkur flestum og André Kuipers — hann er geimfari að atvinnu, og ferð hans var heitið um borð í Alþjóðlegu geimstöðina, 380 kílómetra yfir yfirborði jarðar. Myndir hans eru því teknar úr sjónarhorni nokkuð ólíku því sem við jarðarbúar tökum okkar túristamyndir.
Myndirnar sýna meðal annars ljósadýrð Nílardalsins, mynstur í söndum Sahara-eyðimerkurinnar, lofsteinagíga og snæviþakt hrjósturlendi á norðurhjara. Þær eru teknar á síðustu fjórum mánuðum, Kuipers fór út í geim í lok desember og mun snúa aftur niður á Jörðina í júní næstkomandi.
Skoðið einnig myndir hans innan úr geimstöðinni, af daglegu lífi geimfaranna sem þar búa: Geimostur og aðrar skyndimyndir af daglegu lífi á sportbaug um Jörðu.
Hér að ofan er Richat-myndunin í Máritaníu, sem er talið hafa orðið til vegna veðrunar. Hún er oft kölluð „auga Sahara“ og er eftirlæti geimfara sem sjá undrið úr geimnum.
![6834514551_12421ece02_b](http://lemurinn.is/wp-content/uploads/6834514551_12421ece02_b.jpg)
París að næturlagi.
![6707093093_8042414220_b](http://lemurinn.is/wp-content/uploads/6707093093_8042414220_b.jpg)
Á í Kanada.
![6810920851_239823b746_b](http://lemurinn.is/wp-content/uploads/6810920851_239823b746_b.jpg)
Eyðimörk Sómalíu.
![6707094389_dc9eb73224_b](http://lemurinn.is/wp-content/uploads/6707094389_dc9eb73224_b.jpg)
Sandar Sahara.
![6688622901_654e7ca041_b](http://lemurinn.is/wp-content/uploads/6688622901_654e7ca041_b.jpg)
Gígur eftir loftstein, í Kanada.
![6707092401_4876ef77b0_b](http://lemurinn.is/wp-content/uploads/6707092401_4876ef77b0_b.jpg)
Maldívueyjar úr lofti.
![6707093837_bf7d29ed90_b](http://lemurinn.is/wp-content/uploads/6707093837_bf7d29ed90_b.jpg)
Alparnir.
![6677659375_e7578be647_b](http://lemurinn.is/wp-content/uploads/6677659375_e7578be647_b.jpg)
Colorado-áin og Lake Powell í Bandaríkjunum.
![6628560271_e7b2a1e3aa_b](http://lemurinn.is/wp-content/uploads/6628560271_e7b2a1e3aa_b.jpg)
Stöðuvötn í Ástralíu.
![6633710405_3fb809ecb5_b](http://lemurinn.is/wp-content/uploads/6633710405_3fb809ecb5_b.jpg)
Rákir eftir þotur.
![6859089586_2d25b7e4a9_b](http://lemurinn.is/wp-content/uploads/6859089586_2d25b7e4a9_b.jpg)
Danmörk, Norður-Þýskaland og Skandinavía í fjarska.
![6847127442_200e1a56d5_b](http://lemurinn.is/wp-content/uploads/6847127442_200e1a56d5_b.jpg)
Sólin endurspeglast í á í Brasilíu.
![6993250379_67ae5cf9fe_b](http://lemurinn.is/wp-content/uploads/6993250379_67ae5cf9fe_b.jpg)
Ljósin í Nílardal og löndunum fyrir botni Miðjarðarhafs.
![6840607792_c3ab64b18f_b](http://lemurinn.is/wp-content/uploads/6840607792_c3ab64b18f_b.jpg)
Ísspíralar í sjónum við strendur Kamtsjatkaskaga.
![6970353311_1f50e1ab87_b](http://lemurinn.is/wp-content/uploads/6970353311_1f50e1ab87_b.jpg)
Suðurljósin dansa yfir Suðurskautinu og Ástralíu.