Í september næstkomandi verða liðin 45 ár frá því að meistaraverkið Abbey Road með Bítlunum leit dagsins ljós. Platan var sú síðasta sem Bítlarnir tóku upp, þótt Let it Be ætti eftir að koma út síðar – en sú plata var byggð upp af efni sem hafði verið tekið upp áður.

Ljósmyndin sem prýddi plötuumslag Abbey Road er löngu ódauðleg en þar sjást Liverpool-fjórmenningarnir ganga yfir gangbraut á götunni Abbey Road í Camden-hverfi Lundúna. Skammt frá gangbrautinni er vitaskuld Abbey Road hljóðverið, þar sem Bítlarnir eyddu löngum stundum.

Hönnun umslagsins var í höndum breska listamannsins Kosh, sem starfaði þá fyrir Apple Records sem listaráðunautur. Upprunalegu hugmyndina átti hins vegar Paul McCartney. Myndatakan fór fram þann 8. ágúst 1969 á sólríkum degi, um sex vikum fyrir útgáfu plötunnar sjálfrar.

Sígó á tröppunum við 3, Abbey Road.

Tími til að stilla sér upp.

Eða ekki. George slappar af í skugganum.

Jæja. Nú eða aldrei. Takið eftir sandölunum hans Pauls.

Tveggja hæða strætó í bakgrunni. Hvernig hefði það verið?

Allt klárt. Paul með sígarettuna í hægri. Eins og í lokagerðinni.

Nei, ekki alveg.

Bíddu, er Paul McCartney að taka Sigmund Davíð á þetta? Eða var Sigmundur Davíð að taka Paul McCartney allan tímann?

George ekki alveg í takt. Enda byrjaður að skera sig úr á þessari plötu.