Flestir kannast við hljómsveit Barða Jóhannssonar, Bang Gang. Færri vita hins vegar að Bang Gang var upphaflega tveggja manna verkefni skólafélaga úr Menntaskólanum í Reykjavík. Annar þeirra var vitaskuld Barði en hinn var Henrik Björnsson, sem átti síðar eftir að gera garðinn frægan með hinni ofursvölu hljómsveit Singapore Sling.

 

Fyrsta smáskífa hljómsveitarinnar, „Listen Baby“, er í talsvert öðrum stíl en síðari lög Bang Gang. Höfundareinkenni Henriks koma sterkt fram, undir áhrifum frá einhvers konar síðpönks-sörfrokki í ætt við þýsku framúrstefnuhljómsveitina Die Haut. Smáskífan kom út árið 1996, þegar meðlimir sveitarinnar voru rétt liðlega tvítugir.

 

Lagið er í öllu falli stórkostlegt. Það er alveg á hreinu. Og það sem gerir þetta jafnvel enn betra, er að Bang Gang gerði myndband við lagið!

 

Í myndbandinu má sjá þá Barða og Henrik eltast við seiðandi tálkvendi sem líkist Audrey Hepburn í hlutverki Holly GoLightly. Það var Árni Þór Jónsson sem leikstýrði þessu einstaka myndbandi en hann átti síðar eftir að stýra gullkistu tónlistaráhugamanna á Íslandi um nokkurra ára skeið, útvarpsþættinum Sýrðum rjóma. Árni starfar sem kvikmyndagerðarmaður í Los Angeles í dag.

 

En hvaða unga kona er þetta með sólgleraugun?

 

Vídjó

 

Jú, það er engin önnur en forsætisráðherra.

 

Katrín Jakobsdóttir!

 

Katrín Jakobsdóttir. Wikimedia Commons.

Katrín Jakobsdóttir. Wikimedia Commons.

 

Meira um árdaga Bang Gang:

 

Helgarpósturinn, 12. september 1996.

Alþýðublaðið 31. október 1996.