Það þarf varla að undra að í landi með eins róstu­sama og blóð­uga sögu og Afganistan setji stríðs­rekstur mark sitt á menn­ingu inn­fæddra. Eftir að Sovétríkin gerðu inn­rás í Afganistan árið 1979 byrj­uðu afganskar konur að vefa teppi sem sýndu nýjan veru­leika þeirra og þjóð­ar­innar allra. Friðsælar myndir af trjám og dýrum viku fyrir skrið­drekum, hand­sprengjum og kalasníkoff-​​rifflum.

Á fyrstu ‘stríðs­tepp­unum’ svo­köll­uðu voru vopna­myndir sam­tvinn­aðar hefð­bundnum mynstrum á óljósan hátt. Líkt og þetta teppi — ein­ungis þegar það er skoðað nákvæm­lega kemur í ljós að innan um blómin og trén í miðju tepp­is­ins eru þyrlur og orrustuflaugar.

En stríðs­teppin slógu í gegn hjá stríðs­hrjáðri þjóð og urðu með tím­anum æ djarf­ari og stríðs­tólin greini­legri. Það velk­ist eng­inn í vafa um hvað sé á ferð á þessu teppi:

Teppin eru líka notuð til þess að segja sögur stríð­anna sem geysað hafa í Afganistan. Þetta teppi sýnir stríð Vesturlanda gegn hryðju­verkjum og árás­irnar í Afganistan og Írak:

Og hryðju­verkin í Bandaríkjunum sem leiddu til stríðsins:

Þetta teppi sýnir rauða hönd Sovétríkjanna stjórna Mohammad Najibullah, for­sæt­is­ráð­herra lepp­stjórnar þeirra í Afganistan í lok níunda áratugar:

Nýtískuleg vopn og stríðs­tól sem Bandaríkjamenn fluttu til landsins:

Þetta portrett af Hamid Karzai myndi nú fara vel í stofunni:

Á vef­síð­unni WarRug.com er hægt að kaupa stríðs­teppi eftir afganska listamenn.