Hajj, hin árlega píla­gríms­för múslima til helgu borg­anna Mekka og Medínu í Sádi-​​Arabíu, hófst í gær. Árlega taka að minnsta kosti þrjár millj­ónir manns þátt í þessum gríð­ar­stóru hátíð­ar­höldum sem mynda hápunkt­inn á trú­ar­lífi múslima.

Einungis múslimum er leyft að fara til Mekka, og borgin er þakin einskonar dulúð­ar­ljóma mörgum þeim sem munu aldrei fá að stíga þangað fæti. Til eru frægar sögur af Evrópumönnum sem lögðu á sig mikið erf­iði til þess eins að laum­ast inn í borg­ina á meðan píla­gríma­för­inni stóð. Breski ævin­týra­mað­ur­inn Richard Francis Burton, sem heim­sótti Mekka í dul­ar­gervi múslima árið 1853, lærði arab­ísku og íslamska siði í þeim til­gangi í mörg ár. Hann lét svo umskera sig til þess að full­komna dul­ar­gervið — enda hefði hann átt yfir höfði sér dauðarefs­ingu hefði upp um hann komist.

Í dag er þessu öðruvísi farið. Það er orðið fátt á huldu varð­andi píla­gríms­ferð­ina og hefðir hennar. Fréttaflutningur er þaðan á hverju ári og í ár verður meira að segja hægt að horfa á her­leg­heitin í Moskunni miklu í beinni útsend­ingu á YouTube. Öllum millj­ónum píla­grím­anna sem streyma um helg­istað­ana á ári hverju er frjálst að segja hverjum sem er frá reynslu sinni, en þeim er þó bannað að taka myndir á heilug­ustu stöðunum.

Suroosh Alvi, stofn­andi kanadíska tíma­rits­ins VICE, fór píla­gríms­ferð­ina með pakistönskum for­eldrum sínum árið 2009. Hann var með kvik­mynda­vél með­ferðis, lét boð og bönn um eyru þjóta og tók upp hvert skref á leið­inni — píla­gríma­flugið, svim­andi fólks­mergð­ina, helgisið­ina, fátæk­ustu píla­grím­ana sof­andi á götum úti. Afraksturinn varð 15 mín­útna heim­ilda­mynd, Mecca Diaries.

Risastór lúx­us­hótel fyrir rík­ustu píla­grím­ana gnæfa yfir sjálfri Moskunni miklu …

… en þeir sem eru ekki eins loðnir um lóf­ana búa í tjöldum í útjaðri borg­ar­innar helgu.